Ano ang sasabihin ko sa kaibigang depressed?

Ano ang puwede mong sabihin

• “Napansin kong parang malungkot ka nitong mga nakaraang araw. Kumusta ka talaga?”
• “Nandito lang ako. Gusto mo bang mag-usap, o samahan lang kita?”
• “Dahan-dahan lang. Nakikinig ako.”
• “May maitutulong ba ako ngayon, gaya ng pagkain o hatid?”
• “Makakatulong kaya kung makipag-usap ka sa counselor? Tutulungan kitang maghanap.”

Pagkatapos, mas makinig kaysa magsalita. Puwede mong sabihing "Ang hirap niyan" nang hindi agad nagbibigay ng solusyon.

Ano ang dapat iwasan

• "Kulang ka lang sa dasal." Nakakatulong ang dasal, pero sa mga salitang ito, parang sinisisi ang tao sa nararamdaman niya.
• "Think positive" o "Kaya mo yan, ngiti lang." Hindi pinipili ang depression.
• "Mas malala pa ang iba." Parang sinasabing wala siyang karapatang mahirapan.
• Maraming payo agad. Makinig muna, at magtanong bago magmungkahi.

Patuloy na kumustahin

Malaking bagay ang isang message pagkalipas ng ilang araw, gaya ng "Naiisip kita. Kape tayo this week?" Imbitahan pa rin siya kahit tumatanggi siya.

Mabigat din ang pagtulong sa iba. Makipag-usap ka rin sa isang tao: may e-coach na puwedeng makinig sa iyo sa Messenger, nang libre.